काठमाडाैं । साविक विजेता पोर्चुगल युरोकप २०२० को प्रिक्वाटरफाइनलबाट बाहिरिएको छ । आइतबार राति भएको खेलमा बेल्जियमले पोर्चुगलमाथि १–० काे जित निकालेकाे हाे ।
बेल्जियमको जितमा थोर्गन हाजार्डले गाेल गर्न सफल रहे । उनले बेल्जियमका लागि ४२ औँ मिनेटमा गाेल गरेका थिए ।
पोर्चुगिज कप्तान रोनाल्डोले २५ औं मिनेटमा डी बक्सबाहिरबाट गरेको फ्रिकिक प्रहार गोलरक्षक कोर्टुवाले विफल पारेका थिए । सर्वाधिक अन्तर्राष्ट्रिय गोल गर्ने एक्लो खेलाडी बन्न एक गोलले मात्र पछाडि रहेका रोनाल्डो यसपटक सफल हुन सकेनन् ।
दोस्रो हाफमा लगातार आक्रमण गरेको पोर्चुगलविरुद्ध बेल्जियमका गोलकिपर कोर्टुवाले शानदार प्रदर्शन गरेका थिए ।
सम्बन्धित शीर्षकहरु
