काठमाडाैं । कोपा अमेरिकाको समूह चरणको आफ्नो अन्तिम खेलमा ब्राजिल बराबरीमा रोकिएको छ । समूह ‘बी’ अन्तर्गतको इक्वेडरसँगकाे खेलमा ब्राजिल १-१ गोलको बराबरीमा राेकिएकाे हाे ।
बराबरीपछि इक्वेइडर अन्तिम आठमा पुगेको छ । ब्राजिल यसअघि लगातार तीन खेलमा जित निकालेर अन्तिम आठमा पुगेको थियो ।
साेमबार बिहान सकिएको खेलमा ब्राजिलले पहिले अग्रता लिएकाे थियाे । उसका लागि इडर मिलिटाओले गोल गरेका थिए । तर ५३ औँ मिनेटमा इक्वेडरका लागि एन्जल मेनाले गाेल बराबरीमा फर्काए ।
यस्तै, समूहको अर्को खेलमा पेरुले भेनेजुएलामाथि १-० गोलकाे जित हात पार्न सफल बन्याे । हारपछि भेनेजुएला समूह चरणबाट बाहिरियो ।
सम्बन्धित शीर्षकहरु
