काठमाडाैं । डेनमार्क युरोकपको क्वाटरफाइनलमा पुगेको छ । प्रिक्वाटरफाइनलको खेलमा वेल्समाथि ४–० काे जित निकालेर डेनमार्क क्वार्टरफाइनलमा पुगेकाे हाे ।

डेनिस टोलीको जितमा दुई गोल कास्पर डलबर्गले गरे । २३ वर्षीय स्ट्राइकर कास्परले ले २७ र ४८ औँ मिनेटमा गोल गरेका थिए । ८८ औँ मिनेटमा जोवाकिम माएलले गोल गरेका थिए । ९० औँ मिनेटमा वेल्समा ह्यारी विल्सले रातो कार्ड पाएका थिए । मार्टिन ब्राथवैटले इन्जुरी समयमा गोल थपेका थिए ।

५९ प्रतिशत बल आफ्नो नियन्त्रणमा राखेको डेनमार्कले वेल्समाथि लगातार दबाव कायम राखेको थियो ।

नवौं मिनेटमा वेल्सका कप्ता ग्यारेथ बेलले जाओकिम मेहेल र जानिक भेस्टरगार्डलाई विट गर्दै पेनाल्टी एरियामा बल लगे पनि प्रयास असफल भएको थियो । त्यस लगत्तै पनि बेलले पाएको मौका सदूपयोग गर्न असफल रहेका थिए ।

डेनमार्क सन् २००४ पछि पहिलोपटक युरोकपमा क्वाटरफाइनलमा पुगेको हो । वेल्स गत युरोकपमा सेमिफाइनलसम्म पुगेको थियो ।