काठमाडाैं । पछिल्लाे २४ घण्टामा देशभर ३३८४ कोरोनाभाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार ४९४ जनाको स्वाब परीक्षण गर्दा ३३८४ जनामा संक्रमण पुष्टि भएको हो ।
नयाँ संक्रमितमध्ये काठमाडौंका ३९१, ललितपुरका १३० र भक्तपुरका ७७ जना रहेकाे मन्त्रालयले जनाएकाे छ ।
यही अवधिमा कोरोना संक्रमणबाट थप ६१ जनाले ज्यान गुमाएका छन् । नेपालमा हालसम्म कोरोना संक्रमणबाट ज्यान गुमाउनेकाे संख्या ८३६६ पुगेको छ ।
पछिल्लो २४ घण्टामा ६ हजार २९५ जना संक्रमित निको भएका छन् । केही दिनयता कोरोना परीक्षण घटेको छ। जसले गर्दा कोरोना संक्रमितको संख्या पनि घटेको देखिएको छ । पछिल्लो समय नयाँ संक्रमितभन्दा निको हुने दर बढी रहेका कारण सक्रिय संक्रमितको संख्या घटेर ७१ हजार ३०१ पुगेको छ ।
सम्बन्धित शीर्षकहरु
