काठमाडाैं । पछिल्लो २४ घण्टामा थप ३७५० जनामा संक्रमण पुष्टि भएको छ ।
पीसीआर विधिबाट ९५९८ जनाको परीक्षण गर्दा २७०९ जनामा र एन्टिजेन विधिबाट ५ हजार ५८४ जनाको परीक्षण गर्दा १०४१ जनामा संक्रमण पुष्टि भएको हो । यही अवधिमा थप ५२२५ जना संक्रमणमुक्त भएका छन् । हालसम्म ५ लाख २० हजार ८१६ जना संक्रमणमुक्त भइसकेका छन् ।
पछिल्लो समय नयाँ संक्रमितभन्दा निको हुनेको संख्या बढी हुन थालेपछि सक्रिय संक्रमितको संख्या घट्न थालेकाे छ । नेपालमा अहिले सक्रिय संक्रमितकाे संख्या ७५ हजार २७५ पुगेको छ । यसमध्ये ६९ हजार ६८६ जना होम आइसोलेसन, ५ हजार ५८९ जना संस्थागत आइसोलेसन, १ हजार १८९ जना आईसीयूमा र ३६६ जना भेन्टिलेटरमा रहेका छन् ।
पछिल्लो २४ घण्टामा थप ६७ जनाले संक्रमणका कारण ज्यान गुमाएका छन् । अहिलेसम्म देशभर ८ हजार ३०५ जनाले काेराेना संक्रमणका कारण ज्यान गुमाइसकेका छन् । केही दिनयता भने काेराेना संक्रमणदर र मृत्युदरमा केही कमी आइरहेकाे छ ।
सम्बन्धित शीर्षकहरु
