काठमाडौं । सलमान खानले आफ्नो पछिल्लो फिल्म ‘राधे’को समीक्षाको विषयको सन्दर्भमा अभिनेता एवं फिल्म समीक्षक कमाल रसिद खान(केआरके)विरुद्ध मानहानीको मुद्दा दायर गरेका छन् ।
सलमान खानको कानुनी टीमले मुम्बईको एक अदालतमा मानहानीको मुद्दा दायर गरेको स्वयं केआरकेले ट्वीटरमार्फत जानकारी दिएका छन् । सलमान खानको टीमले मुद्दाको छिटो सुनुवाइ गरिदिन अदालतसमक्ष आग्रह गरेको केआरकेले उल्लेख गरेका छन् ।
केआरकेले फिल्म रिलिज भएकै दिन समीक्षाको भिडियो सार्वजनिक गर्दै फिल्म एकदमै ‘झुर’ भएको बताउँदै फिल्म हेरेर समय खेर नफाल्न सुझाव दिएका थिए । उनले फिल्म हेरेर आफ्नो दिमाग घुमेको बताउँदै समीक्षा भिडियोमै रोएका थिए ।
केआरकेले मात्र होइन फिल्मलाई अधिकांश भारतीय मिडियाले कम रेटिङ दिएका छन् । कतिले त ०.५ रेटिङसमेत दिएका छन् । यद्यपि अधिकांशले २.५ सम्मको रिभ्यू दिएको भारतीय सञ्चारमाध्यमले जनाएका छन् ।
सम्बन्धित शीर्षकहरु
