महोत्तरी । महोत्तरी जिल्लाको मटिहानी नगरपालिका–८ स्थित नेपाल–भारत सीमा नाकामा सशस्त्र प्रहरी र भारतीय व्यापारीको समूहबीच झडप भएकाे छ । झडपमा एक जना सशस्त्र प्रहरी र आठ जना भारतीय व्यापारी घाइते भएका छन् ।

आइतबार राति करीब ८ बजे भारतीय समूहले २ नं. बोर्डरमा खटिएका प्रहरीहरुमाथि ढुंगामुढा गरेपछि झडपको स्थिति सिर्जना भएको प्रहरीले बताएकाे छ । प्रहरीका अनुसार ढुंगामुढाबाट ड्युटीमा खटिएका सशस्त्र प्रहरी जवान विवेक ढकालको टाउकाेमा चाेट लागेकाे छ ।

एक हुल समूहले प्रहरीमाथि ढुंगामुढा गरेको र कोरोना परीक्षणका लागि बनाइएका सहायता कक्षसमेत तोडफोड गरिदिएको स्थानीयले बताएका छन् । यता भारतीय व्यापारीहरुले भने सशस्त्र प्रहरीका जवानहरुले सरसामान सीमा कटाएवापतको पैसा माग्न खोजेको र नदिँदा कुटपिट गरेको आरोप लगाएका छन् । भारतीय ब्यापारीहरु पनि केही घाइते भएकाे बताइएकाे छ ।