काठमाडौं । गएकाे २४ घण्टामा देशभर एक सय २९ जनाले कोरोना संक्रमणका कारण ज्यान गुमाएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार २० हजार एक सय ५ को परीक्षणमा शनिबार आठ हजार ९ सय ८० नयाँ संक्रमित थपिएका छन् ।
यही अवधिमा निको भएर घर फर्किनेको संख्या आठ हजार ८ सय ४८ रहेको छ । हालसम्म निकाे भएर घर फर्किनेको संख्या तीन लाख ८३ हजार ६ सय ८४ पुगेको छ । यो संख्या एक दिनमा संक्रमणमुक्त हुने अहिलेसम्मकै धेरै हो ।
यसअघि शुक्रबार ७ हजार ८९० जना निको भएका थिए ।
नेपालमा काेराेना संक्रमित हुनेको संख्या ५ लाख नाघेको छ । शनिबारसम्मा संक्रमितको कुल संख्या ५ लाख ५ हजार ६४३ पुगेको मन्त्रालयकाे तथ्यांक रहेकाे छ ।
सम्बन्धित शीर्षकहरु
