काठमाडाैं । नेपालमा अन्तर्राष्ट्रिय हवाई उडान जेठ १७ गतेसम्म बन्द गरिएको छ । नेपाल नागरिक उड्डयन प्राधिकरणले मंगलबार एक सूचना जारी गरी नेपालबाट हुने वा नेपाल आउने अन्तर्राष्ट्रिय उडानहरु मे ३१ (जेठ १७, २०७८) सम्म बन्द गरेको जनाएको हाे ।
यसअघि वैशाख २० गते प्राधिकरणले एक सूचना जारी गरी मे १४ (वैशाख ३१) सम्म बन्द गरेको अन्तराष्ट्रिय उडान १७ दिनको लागि थप गरेकाे हाे ।
नेपाल र भारतबीच हप्तामा २ वटा उडान भने यथावत हुने प्राधिकरणले जनाएको छ । एयर बवल सुविधाअन्तर्गत नेपाल वायुसेवा निगम र एयर इन्डियाको एक-एक उडान प्रत्येक हप्ता हुने बताइएकाे छ ।
नेपालमा पछिल्ला दिनहरुमा काेराेना भयावह रुपमा फैलिरहेकाे छ । पछिल्ला दिनहरुमा मृत्युदर पनि उच्च भइरहेकाे छ ।
सम्बन्धित शीर्षकहरु
