प्रतिकात्मक तस्बिर ।
काठमाडाैं । अस्पतालमा शय्या खोजिरहँदा बुटवल उपमहानगरपालिका– ७ का वडा सदस्य नवीन थापामगरको एम्बुलेन्समा गएराति मृत्यु भएको छ ।
नेकपा एमालेको वडाध्यक्षसमेत रहेका ४४ वर्षीय थापा ७ दिनअघि कोरोना पोजिटिभ भएपनि बेड अभावका कारण होम आइसोलेसनमा थिए । तीन दिनअघि शय्या खोज्न आफैँ अस्पतालमा गए पनि नपाएपछि घरमै अक्सिजन लिएर आएका थिए । बिहीबार समस्या बढेपछि क्रिमसन अस्पताल लगिए पनि आईसीयू, भेन्टिलेटर नभएपछि भैरहवामा अस्पताल खोज्दा खाेज्दै एम्बुलेन्समै निधन भयो ।
वडाध्यक्ष कमलप्रताप थापाले समयमै उपचार नपाएका कारण बडा सदस्य थापाको मृत्यु भएको बताए । थापाका श्रीमती र १ छोरी रहेका छन् ।
सम्बन्धित शीर्षकहरु
