काठमाडाैं । काेराेना संक्रमित बाेक्नका लागि एम्बुलेन्स अभाव हुन थालेपछि तिलाेत्तमा नगरपालिकाले मेयर तथा उपमेयर चढ्ने गरेको गाडी एम्बुलेन्स बनाएका छन् ।
कोरोना संक्रमितको संख्या थपिइरहेकाे बेलामा नगरपालिकाले यस्तो निर्णय गरिएको हो । मेयर बासुदेव घिमिरे लु १ झ ३६० नम्बरको र उपमेयर जगेश्वरीदेवी चौधरीले ३२६ नम्बरको स्कार्पियो गाडी प्रयोग गर्ने गरेका छन् ।
यी गाडीहरुले अब एम्बुलेन्सकाे रुपमा बिरामी बाेक्नेछन् । उक्त गाडीमा सिट र अक्सिजन सिलिण्डर व्यवस्थापन भइरहेको र बिहीबारदेखि एम्बुलेन्सको रुपमा प्रयोगमा ल्याइने मेयर घिमिरेले जानजकारी दिए ।
पछिल्ला दिनहरुमा रुपन्देहीमा करिब दैनिक २ सय संक्रमित थपिइरहेका छन् ।
सम्बन्धित शीर्षकहरु
