काठमाडाैं । च्याम्पियन्स लिग अन्तर्गत बुधबार सम्पन्न खेलमा चेल्सीले रियल मड्रिडमाथि जित निकालेको छ ।

स्टाम्फोर्ड ब्रिजमा सम्पन्न सेमिफाइनलको दोस्रो लेगमा रियल मड्रिडमाथि २-० काे जित निकालेर चेल्सीले फाइनलमा स्थान सुरक्षित गरेको हो । यसअघि मड्रिडमा सम्पन्न खेलमा १-१ को बराबरी खेलेकाे थियाे ।

चेल्सीका लागि फरवार्ड टिमो वेर्नर र मिडफिल्डर मेसन माउन्टले गोल गरे । खेलको २८ औँ मिनेटमा टिमो वेर्नले गाेल गरे । दोस्रो हाफमा म्यासन माउन्टले क्रिस्टियन पुलिसिचको पासमा गोल गरे । उनले खेलको ८५ औं मिनेटमा गोल गरेका थिए ।

चेल्सीले अब २९ मे मा इस्तानबुलमा हुने फाइनल खेलमा अर्को इङ्ग्लिस क्लब म्यानचेस्टर सिटीसँग प्रतिस्पर्धा गर्नेछ । सिटीले यसअघि फ्रेन्च क्लब पीएसजीमाथि जित निकालेर फाइनलको यात्रा तय गरेको थियो ।