काठमाडौं । कञ्चनपुरमा कोरोना संक्रमण कम गर्नका लागि आजदेखि लकडाउन गरिए पनि सीमा नाका भने बन्द गरिएको छैन । जिल्लामा लकडाउन गरिएपनि कञ्चनपुरस्थित गड्डाचौकी र गौरीफन्टा नाका भने खुला रहने जिल्ला प्रशासन कार्यालय कञ्चनपुरले जनाएको छ ।
भारतमा कोरोना महामारी बढसँगै स्वदेश फर्किन चाहने नेपालीहरुलाई लक्षित गरि सीमानाका खुला राखिएको कञ्चनपुरका प्रमुख जिल्ला अधिकारी रामकुमार महतोले जानकारी दिए । यसरी भित्रिनेहरुमध्ये कञ्चनपुर जिल्लाको नागरिकका हकमा सम्बन्धित स्थानीय तहमा क्वारेन्टिन र आइसोलेशनमा राखिने छ भने अन्य जिल्लाका नागरिकहरुलाई सीमानाकाबाटै सम्बन्धीत जिल्लामा पठाउने व्यवस्था गरिएको छ ।
यस्तै नेपालबाट भने अत्यावश्यक काम बाहेक भारत जान रोक लगाइएको छ ।
सम्बन्धित शीर्षकहरु
