एजेन्सी । विश्वकप फुटबल छनौट अन्तर्गत युरोपेली समुहका खेलहरु गएरातिबाट सुरु भएका छन् । साविक विजेता फ्रान्स आफ्नो पहिलो खेलमा युक्रेनसँग १–१ गोलको बराबरीमा रोकिएको छ । गएराति फ्रान्समै भएको खेलमा घरेलु टोली अंक बाँड्न बाध्य भएको हो । युरोपको अर्को बलियो टोली नेदरल्याण्ड्सलाई गएराति टर्कीले ४–२ ले हराएको छ । टर्कीका लागि बुराक यील्माजले ह्याट्रिक गरेका थिए । यसैगरि बेल्जीयमले वेल्सलाई ३–१ ले हराउँदा पोर्चुगलले अजरबैजानलाई १–० ले स्तब्ध पा¥यो । गएराति नैं सर्वियाले रिपब्लीक अफ आयरल्याण्डलाई ३–२ ले हराउँदा चेक गणतन्त्रले इस्टोनियामाथि ६–२ को जित निकाल्यो । यसैगरी रुसले माल्टालाई ३–१ ले, स्लोभेनियाले क्रोएसियालाई १–० ले तथा मोन्टेनेग्रोले लात्भियालाई २–१ ले हराएको छ ।