काठमाडौं । देशमा मौसम बदली भइरहेकाे छ । स्थानीय र पश्चिमी वायुको प्रभावका कारण देशका केही भागको मौसममा बदली आएको मौसम पूर्वानुमान महाशाखाले जनाएको छ ।
महाशाखाका अनुसार शुक्रबारदेखि आइतबारसम्म देशका पहाडी भूभागमा मेघगर्जन र चट्याङसहित पानी पर्ने सम्भावना रहेको छ ।
शुक्रबार देशभर आंशिकदेखि समान्य बदली हुनेछ भने थोरै पहाडी भूभागमा मेघगर्जन र चट्याङसहित पानी पर्ने अनुमान गरिएको छ ।
शनिबार दिउँसो अपराह्न हावा हुरी र चट्याङसहित र राति चट्याङ र मेघगर्जनसहित पानी पर्ने सम्भावना रहेको महाशाखाले जनाएको छ ।
आइतबार पनि मौसम बदली कायम रहनेछ । आइतबार दिउँसो पहाडी भूभागका केही ठाउँमा मेघगर्जन र चट्याङसहित पानी पर्ने छ भने राति पनि प्रदेश १ का पहाडी क्षेत्रमा पानी पर्ने सम्भावना रहेको महाशाखाको अनुमान छ ।
सम्बन्धित शीर्षकहरु
