इंग्लिस प्रिमियर लिग फुटबल अन्तर्गत शनिबार राति भएको खेलमा लिभरपुलले शानदार जित निकालेकाे छ । शीर्ष स्थानको लिभरपुलले क्रिष्टल प्यालेसमाथि ७–० को जित निकालेको हो ।

पहिलो हाफमा तीन गोल गरेको लिभरपुलले दोस्रो हाफमा चार गोल गरेको हो । लिभरपुलका लागि रोबर्टो फिरमिनो र मोहम्मद सालहले २-२ तथा मिनामिनो, साडिओ माने तथा हेन्डर्सनले १–१ गोल गरे ।

जितपछि शीर्ष स्थानको लिभरपुलको १४ खेलबाट ३१ अंक भएको छ । उ दोस्रो स्थानमा पुगेको एभर्टन भन्दा पाँच अंकले अघि रहेको छ ।