काठमाडाैं । आइतबार उत्तर–पश्चिमी वायुको प्रभावका कारण केही क्षेत्रमा मौसम बदली हुने मौसम पूर्वानुमान महाशाखाले जनाएको छ ।
हाल पूर्वी तराईका केही स्थान, मध्य र पश्चिमी तराईका अधिकांश स्थानमा हुस्सु–कुहिरो लागेको छ । प्रदेश १, गण्डकी तथा सुदूरपश्चिम प्रदेशका पहाडी भू–भागमा आंशिक बदली रहेको छ भने बाँकी भू–भागमा मौसम सामान्यतया सफा छ ।
आइतबार दिउँसो प्रदेश १ र गण्डकी प्रदेशका भू–भागहरुमा आंशिक बदली रही बाँकी भू–भागमा मौसम सामान्यतया सफा रहने महाशाखाकाे पूर्रवानुमान रहेकाे छ । राति कर्णाली प्रदेश, सुदूरपश्चिम प्रदेश तथा गण्डकी प्रदेशका भू–भागमा आंशिक बदली रही बाँकी क्षेत्रको मौसम सामान्यतया सफा रहनेछ ।
सम्बन्धित शीर्षकहरु
