युरोपको सबैभन्दा ठूलो क्लब फुटबल प्रतियोगिता युरोपियन च्याम्पियन्स लिग फुटबलको प्रि–क्वाटरफाइनलको खेल तालिका सार्वजनिक भएको छ । युरोपेली फुटबलको सर्वोच्च निकाय युइएफएले सार्वजनिक गरेको तालिका अनुसार स्पेनिस क्लब बार्सिलोना र फ्रेन्च क्लब पेरिस सेन्ट जर्मेन (पीएसजी) भिड्ने भएका छन् ।
साविक विजेता जर्मन क्लब बायर्न म्युनिख र इटालियन क्लब लाजियो भिड्नेछन् भने स्पेनको रियल मड्रिड र इटालीको एट्लान्टाबीच प्रतिस्पर्धा हुनेछ । अर्को खेलमा जर्मनीको बोरुसिया डर्टमण्डले स्पेनको सेभियालाई प्रतिद्धन्दी पाएको छ ।
इंग्लिस क्लब लिभरपुल र जर्मन क्लब आरबी लेइप्जिग, इटालीको युभेन्ट्स र पोर्चुगिज क्लब पोर्टोबीच प्रिक्वाटरफाइनलको खेल हुनेछ । इंग्ल्याण्डको चेल्सीले स्पेनको एट्लेटिको मड्रिड प्रतिद्वन्द्वी पाएको छ भने म्यानचेस्टर सिटी र जर्मनीको बोरुसिया मोन्चेङ्ग्लाडवाचबीच खेल हुनेछ ।
सम्बन्धित शीर्षकहरु
