काठमाडौं । आइतबार देशका अधिकांश क्षेत्रमा मौसम आंशिक बदली हुने मौसम पूर्वानुमान महाशाखाले जनाएको छ ।
पश्चिमी वायुको आंशिक प्रभावका कारण मौसम प्रभावित भएको हो । अहिले प्रदेश १ र बागमती प्रदेशका केही भू–भागमा आंशिक बदली रहेको छ ।
आइतबार दिउँसो प्रदेश १, बागमती तथा सुदूरपश्चिम प्रदेशका केही भू–भागमा आंशिक बदली हुने महाशाखाको पूर्वानुमान छ ।
राति प्रदेश १ र गण्डकी प्रदेशका पहाडी भू–भागमा आंशिकदेखि सामान्य बदली रहने छ । प्रदेश १ को पहाडी भू–भागका केही स्थानमा हल्का वर्षाको सम्भावना समेत छ ।
सम्बन्धित शीर्षकहरु
