अमेरिकामा कोरोना भाइरसबाट संक्रमणबाट मृत्यु हुनेको संख्या वृद्धि भएको छ । कोरोनाविरुद्धको खोपको चर्चा भइरहँदा अमेरिकामा कोरोना भाइरसको महामारी बढ्दै गइरहेको देखिएको हो ।
सरकारी अधिकारीहरूले दिएको जानकारीअनुसार अमेरिकामा विगत २४ घण्टामा ३ हजार १२४ व्यक्तिको मृत्यु भएको छ । पछिल्लो पाँच दिनमा मात्रै झण्डै पाँच लाख जनामा कोरोना भाइरसको संक्रमण देखिएको अधिकारीहरूले जनाएका छन् ।
अमेरिकामा अहिले पनि एक लाख ६ हजारभन्दा बढी संक्रमित अस्पतालमा उपचारको क्रममा रहेका छन् ।
अमेरिकामा कोरोनाका कारण अहिलेसम्म २ लाख ९ हजारभन्दा बढीको मृत्यु भएको छ भने कुल एक करोड ५५ लाखभन्दा बढी संक्रमित भएका छन् ।
सम्बन्धित शीर्षकहरु
