Aafno Khabar

पूर्वप्रधानमन्त्री डा. भट्टराई दम्पतीलाई कोरोना संक्रमण

  • आफ्नो खबर
  • २०७७ कार्तिक ८ गते प्रकाशित

काठमाडौं । पूर्वप्रधानमन्त्री डा. बाबुराम भट्टराई र उहाँकी पत्नी हिसिला यमीलाई कोरोना संक्रमण पुष्टि भएको छ ।

सामाजिक सञ्जाल ट्वीटरमार्फत डा. भट्टराईले कोरोना लागेको जानकारी दिनुभएको हो । भट्टराईका अनुसार कात्तिक ७ गते गरिएको स्वाबको परीक्षण नतिजा पोजिटिभ आएको हो ।

संक्रमण पुष्टि भएपछि चिकित्सकहरूको सल्लाह बमोजिम दुवै जना होम आइसोलेसनमा छन् ।जसपाका संघीय परिषद अध्यक्ष भट्टराईले केही समययता आफूहरुसँग सम्पर्कमा रहेका सबैलाई सतर्कता अपनाउन आग्रह गर्नुभएको छ ।