स्पेनिस ला लिगा फुटबल अन्तर्गत आइतबार राति भएको खेलमा रियल मड्रिड विजयी भएको छ । अवे मैदानमा भएको खेलमा रियल मड्रिडले लेभान्टेलाई २–० ले पराजित गरेको हो ।

रियल मड्रिडको जितमा विनिसियस जुनियर र करिम बेन्जिमाले गोल गरे । १६ औँ मिनेटमा जुनियरले गोल गरी रियल मड्रिडलाई सुरुवाति अग्रता दिलाए ।

बेन्जिमाले इन्जुरी समयको पाँचौँ अर्थात ९५ औँ मिनेटमा गोल गरी जित दिलाएका हुन्। चार खेलबाट १० अंक जोडेको रियल मड्रिड शीर्ष स्थानमा उक्लिएको छ ।