इंग्लिस प्रिमियर लिग फुटबल अन्तर्गत आइतबार राति भएको खेलमा टोटनह्यामले म्यानचेस्टर युनाइटेडलाई ६–१ ले पराजित गरेको छ ।
म्यानचेस्टर युनाइटेडलाई पराजित गर्नेका लागि ह्यारी केन र सन हेङ्ग–मिनले २–२ गोल गरे । एनडोम्बेले र औरिएरले १–१ गोल गरे ।
खेलको दोस्रो मिनेटमा पाएको पेनाल्टीमा ब्रुनो फेर्नान्डेसले गोल गरी म्यानचेस्टर युनाइटेडलाई सुरुवाति अग्रता दिलाएका थिए । तर एनडोम्बेलेले चौथो मिनेटमा टोटनह्यामका लागि बराबरी गोल गरे ।
त्यसपछि सनले सात र ३७ औँ मिनेटमा गोल गरे । केनले ३० र ७९ औँ मिनेटमा पेनाल्टीमार्फत गोल गरे भने औरिएरले ५१ औँ मिनेटमा गोल गरी टिमलाई शानदार जित दिलाए ।
चार खेलबाट सात अंक जोडेको टोटनह्याम छैटौँ स्थानमा छ ।
सम्बन्धित शीर्षकहरु
