फ्रेन्च लिग वान फुटबल अन्तर्गत शुक्रबार राति भएको खेलमा पेरिस सेन्ट–जर्मेन (पीएसजी) ले शानदार जित निकालेको छ ।
घरेलु मैदानमा भएको खेलमा पीएसजीले एन्जर्समाथि ६–१ को जित निकालेको हो । पीएसजीका लागि नेइमारले २ तथा एलेसान्ड्रो फ्लोरेन्जी, जुलिएन ड्रेक्सलर, इड्रिसा गुएयी र केलियन एमबाप्पेले एक–एक गोल गरे ।
एन्जर्सका लागि इजमाइल ट्राओरीले एक गोल गरेका हुन् ।
खेलको सातौँ मिनेटमा फ्लोरेन्जीको गोलबाट पीएसजीले अग्रता लिएको थियो । त्यसपछि नेइमारले ३६ र ४७ औँ मिनेटमा गोल गरे । एन्जर्सका ट्राओरीले ५२ औँ मिनेटमा एक गोल फर्काए ।
त्यसपछि पीएसजीका लागि ५७ औँ मिनेटमा ड्रेक्सलर, ७१ औँ मिनेटमा गुएयी र ८४ औँ मिनेटमा एमबाप्पेले गोल गरी पीएसजीका लागि शानदार जित दिलाए ।
सम्बन्धित शीर्षकहरु
