काठमाडाैं । युरोपियन नेशन्स लिग फुटबल अन्तर्गत सोमबार राति भएको खेलमा इटाली विजयी भएको छ । इटालीसँग नेदरल्याण्डस एक-शून्यले पराजित भएकाे हाे ।

इटालीको जितमा पहिलो हाफको इन्जुरी समयको पहिलो मिनेटमा निकोलो बारेलाले हेड मार्फत गरेको गोल नै निर्णायक बन्यो ।

लिग अन्तर्गत सोमबार राति भएका अरु खेलमा बेलारुसले काजकस्तानलाई २–१, लिथुवानियाले अल्बानियालाई १–०, रोमानियाले अस्ट्रियालाई ३–२, नर्वेले उत्तरी आयरल्याण्डलाई ५–१ तथा स्कटल्याण्डले चेक गणतन्त्रलाई २–१ ले पराजित गरेका छन् ।

इजरायल र स्लोभाकियाले भने १–१ को बराबरी खेलेका छन् ।