काठमाडाैं । क्यारेबियन प्रिमियर लिग (सीपीएल) अन्तर्गत साेमबार बिहान भएको खेलमा सन्दीप लामिछाने आबद्ध जमैका तल्लावाज पराजित भएको छ । तल्लावाज सेन्ट लुसियासँग ११ रनलले पराजित भएको हो ।

टस हारेर ब्याटिङमा आएकाे लुसियाले निर्धारित २० ओभरमा ६ विकेट गुमाएर १ सय ४५ रन बनाएको थियो । १ सय ४६ रनकाे लक्ष्य पछ्याएकाे तल्लावाज १ सय ३४ रनमा समेटियाे ।

लुसियाका लागि निजाबुल्ला जद्रनले सर्वाधिक ३५ रन बनाए । रहकीम कोर्नवल र रोस्टोन चेजले समान ३२ रनकाे याेगदान दिए । तल्लावाजका लागि मुजिब उल रहमानले २ विकेट लिए भने सन्दीप लामिछाने, फिडेल एडवार्डस्, वीरासम्मी परमुल र कार्लोस ब्रेथवेटले एक एक विकेट लिए ।

जमैका तल्लाहवाजका लागि ग्लेन फिलिप्सले सर्वाधिक ४९ रन बनाएका थिए । अरु खेलाडी भने खास जम्न सकेनन् । तल्लावाज ९ खेलमा ६ हार र ३ जितसहित ७ अंकजोडेर तालिकाको चौथो स्थानमा छ । लुसिया १२ अंकसहित तेस्रो स्थानमा छ ।