काठमाडौं । क्यारेबियन प्रिमियर लिग (सीपीएल)मा सन्दीप लामिछाने आवद्ध टोली जमैका तल्लावाज पराजित भएको छ । बार्बाडोस ट्रीडेन्टससँग जमैका ७ विकेटले पराजित भएको हो ।
पहिलाे ब्याटिङ गरकाे जमैकाले ४ विकेट गुमाएर १ सय ६१ रन बनाएकाे थियाे । जमैकाले दिएको १ सय ६२ रनको लक्ष्य पछ्याएको बार्बाडोसले १८.२ ओभरमा ३ विकेट गुमाएर लक्ष्य पूरा गर्यो ।
बार्बाडोसका लागि कप्तान जासन होल्डरले सर्वाधिक ६९ रन बनाए भने जोनाथन कार्टरले ४२ तथा मिचेल सान्टनरले ३५ रन बनाए ।
जमैकाका बलर सन्दीप लामिछाने, ओस्मान थोमस र प्रेस्टन म्याकस्वीनले एक-एक विकेट लिए ।
लामिछानेले ४ ओभरमा २६ रन दिएर एक विकेट लिएका थिए । सन्दीपले बार्बाडोसका कप्तन होल्डर आउट गरेका थिए ।
सम्बन्धित शीर्षकहरु
