काठमाडाैं । क्यारेबियन प्रिमियर लिग (सीपीएल) अन्तर्गत बार्बाडोस ट्राइडेन्ट्सविरुद्ध नेपाली लेग स्पिनर सन्दीप लामिछाने सम्मिलित जमैका तल्लावाज ३६ रनले पराजित भएको छ ।
बार्बाडोसले दिएको १ सय ४९ रनको लक्ष्य पछ्याउन जवाफी ब्याटिङमा आएको जमैकाले निर्धारित २० ओभरमा ९ विकेट गुमाएर १ सय १२ रन मात्र बनाउन सक्यो । उसका लागि क्रुमा बोनरले सर्वाधिक ३१ रन बनाए ।
बलिङमा बार्बाडोसका जसन होल्डर, राशिद खान, रेमन रिफर र मिचेल सान्टनरले सर्वाधिक २-२ विकेट हात पारे ।
यसअघि टस हारेर ब्याटिङको मौका पाएको बार्बाडोसले निर्धारित २० ओभरमा ७ विकेट गुमाएर १ सय ४८ रन बनायो । उसका लागि काइली मेयर्सले सर्वाधिक ८५ रन बनाए ।
बलिङमा जमैकाका मुजीबउर रहमानले ३, सन्दीप लामिछानेले २, कार्लोस ब्रार्थवेट र फिदील एडवाड्रसलेले १-१ विकेट लिए ।
सम्बन्धित शीर्षकहरु
