काठमाडाैं । क्यारेवियन प्रिमियर लिगमा सन्दीप लामिछाने आवद्ध टिम जमैका तलावाज पराजित भएकाे छ । शुक्रबार बिहान भएकाे खेलमा ट्रिनबागाे नाइट राइडर्ससँग ७ विकेटले पराजित भएकाे हाे ।
टस हारेर ब्याटिङकाे निम्ता पाएकाे जमैकाले निर्धारित २० ओभरममा ८ विकेट गुमाएर १ सय ३५ रन बनाएकाे थियाे ।
जमैकाका लागि ग्लेन फिलिप्सले सर्वाधिक ५८ रन बनाउँदा आन्द्रे रसेलले २५, आशिफ अलिले २२ रन बनाएका थिए । त्यस्तै रामल लेविस १५ र सन्दीप लामिछाने ० रनमा अभिजित रहे ।
१ सय ३६ रनकाे चुनाैती नाइट राइडर्सले १८.१ ओभरमा ३ विकेट गुमाएर पूरा गर्याे । उसका लागि सुनिल नारिनले सर्वाधिक ५३ रन बनाएका थिए ।
क्रिजमा जमिरहेका उनलाई सन्दीपले पभेलियन फर्काएका थिए । सन्दीपले ३० रन दिएर १ विकेट लिएका हुन् । त्यस्तै, कोलिन मुन्द्रोले अभिजित ४९ रन र डरेन ब्राभोले १४ रन जोडे ।
सम्बन्धित शीर्षकहरु
