काठमाडाैं । स्पेनिस फुटबल क्लब बार्सिलोनाले नयाँ प्रशिक्षकमा रोनाल्ड कोइम्यान नियुक्त गरेको छ।

नेदरल्यान्ड्सका पूर्व खेलाडी तथा बार्सिलोनाकाे पूर्व डिफेन्डर रहेका कोइम्यानलाई बार्सिलोनाले नयाँ प्रशिक्षकमा नियुक्त गरेको हो । उनले बार्सिलोनाबाट १९८९ देखि १९९५ सम्म खेलेका थिए ।

डच प्रशिक्षक कोइम्यान बार्सिलाेनाले २ वर्षको करार गरेको बीबीसीले उल्लेख गरेकाे छ ।

च्याम्पियन्स लिग फुटबलको क्वार्टरफाइनलमा बायर्न म्युनिखसँग ८–२ ले पराजित भएपछि बार्सिलाेनाले प्रशिक्षक सेटियन बर्खास्त गरेकाे हाे ।