युरोपा लिग अन्तर्गत आइतबार राति भएको खेलमा सेभिया फाइनलमा प्रवेश गरेकाे छ ।  म्यानचेस्टर युनाइटेडमाथि २-१ काे जित निकालेर सेभिया फाइनल प्रवेश गरेकाे हाे ।

खेलको नवौँ मिनेटमा युनाइटेडले अग्रता बनाएको थियो । मार्कस रास्फोर्डलाई डिएगो कार्लोसले फउल गरेपछि पेनाल्टीमा पाएको अवसर सदुपयोग गर्दै युनाइटेडका लागि ब्रुनो फर्नान्डेजले गोल गरेका थिए । तर सेभियाका सुसोले २६ औं मिनेटमा रेगुलिओनको पासमा गोल गर्दै खेल बराबरीमा ल्याए । पहिलो हाफ १-१ को बराबरीमा रोकियो ।

रोमाञ्चक बनेको खेलमा नाभासको पासमा लुक डी जोङले सेभियाको जितका लागि निर्णायक गोल गरे । उनले खेलको ७८ औं मिनेटमा गोल गरेका थिए । यो सँगै सेभियाले २-१ ले युनाइटेडमाथि जित निकाल्दै युरोपा लिगको फाइनलको यात्रा तय गरेको हो ।

सेभियाले फाइनलमा इन्टर मिलान र सख्तर डोनेट्स्कको विजेतासँग खेल्नेछ ।