इंग्लिस क्लब आर्सनलले ब्राजिलियन मिडफिल्डर विलियनसँग सम्झौता गरेको छ । ३२ वर्षीय विलियनसँग तीन वर्षका लागि सम्झौता भएको हाे ।

यसअघि चेल्सीमा रहेका विलियनको सम्झौता यही सिजन सकिएको थियाे । चेल्सीले सम्झौता थप गर्न चाहेकाे थियाे । तर विलियनले अस्वीकार गरिदिए ।

सन् २०१३ मा रसियन क्लब मखाच्कलाबाट उनी चेल्सीमा ३० मिलियन पाउन्डमा आबद्ध भएका थिए ।  विलियनको आगमनपछि टिममा ठूलो प्रभाव पर्ने आर्सनलका प्रशिक्षक मिकेल अर्टेटाले बताएका छन् ।