काठमाडाैं । लियाेन च्याम्पियन्स लिगकाे सेमिफाइनलमा प्रवेश गरेकाे छ ।
च्याम्पियन्स लिग अन्तर्गत शनिबार राति भएकाे अन्तिम क्वार्टरफाइनल खेलमा म्यानचेस्टर सिटीमाथि ३–१ काे जित निकालेर लियाेनले अन्तिम चारमा स्थान बनाएकाे हाे ।
लियाेनका लागि बैकल्पिक खेलाडीका रुपमा मैदान प्रवेश गरेका खेलाडी माैसा डेम्बेलले २ र म्याक्सवेल कर्नेटले १ गाेल गरेका हुन् ।
खेलकाे २४ औँ मिनेटमा लियाेनले अग्रता लिएकाे थियाे । उसका लागि म्याक्सवेल कर्नेटले गाेल गरेका थिए ।
त्यसपछि पहिलाे हाफ सकिन अन्तिम २ मिनेट बाँकी हुँदा सिटीले खेल बराबरी गर्ने अवसर पाएकाे थियाे तर सिटीले अवसर सदुपयाेग गर्न सकेन । सिटीका लागि रहिम स्टर्लिङले गरेकाे प्रहारमा गाेल रक्षक बाधक बने ।
खेलकाे ६९ औँ मिनेटमा सिटीका केभिन डे ब्रुयनले गाेल गरी खेल बराबरीमा ल्याएका थिए । त्यसपछि पनि सिटीले अग्रता लिने अवसर पाएकाे थियाे । तर ती सबै विफल भए ।
६९ औँ मिनेटमा लियाेनका माैसा डिम्बेलले पुन: गाेल गरी अग्रता दिलाए । उनले मैदान प्रवेश गरेकाे ४ मिनेटमा नै गाेल गरेका थिए । पुन: खेलकाे ८७ औँ मिनेटमा डिम्बेलले नै व्यक्तिगत दाेस्राे तथा टिमका लागि तेस्राे गाेल गरे । त्यसपछि सिटीले गाेल गर्न सकेन र पराजित भयाे ।
लियाेनले अब समिफाइनलमा बायर्न म्युनिखसँग खेल्नेछ । बार्सिलाेनामाथि ८–२ गाेलकाे फराकिलाे जित निकालेर बार्सिलाेना शनिबार सेमिफाइनल प्रवेश गरेकाे हाे । यस्तै, अर्काे समिफाइनलमा पीएसजी र अरबी लेइप्जिग खेल्नेछन् ।
सम्बन्धित शीर्षकहरु
