काठमाडाैं । एट्लेटिकाे मड्रिडलाई पराजित गरेर आरबी लेइप्जिग पहिलो पटक च्याम्पियन्स लिग फुटबलको सेमिफाइनलमा पुगेको छ ।

बिहीबार राति भएको खेलमा एट्लेटिको मड्रिडमाथि लेइप्जिगले २–१ काे जित निकालेकाे हाे ।

लाइप्जिगका ड्यानियल ओल्मो र टेलर अदाम्स्ले गोल गरे । एट्लेटिको मड्रिडका जोआओ फेलिक्सले एक गाेल गरेका थिए ।

अब लाइप्जिगले पहिलो सेमिफाइनलमा पीएसजीसँग खेल्नेछ । एटलान्टामाथि २–१ काे जित निकालेर यसअघि पीएसजीले समिफाइनलकाे यात्रा तय गरेकाे हाे ।