धनुषा । प्रदेश २ को राजधानी जनकपुरधाममा निषेधाज्ञा जारी गरिएको छ ।
कोरोना संक्रमण बढ्दै गएपछि सोमबार राति १२ बजेदेखि लागू हुने गरी एक हप्ताको लागि जनकपुरधाम उपमहानगरपालिकाभित्र निषेधाज्ञा जारी गरिएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिनुभयाे ।
उहाँले अत्यावश्यक सेवाहरु बाहेकका अन्य सबै सेवा र स्थलहरु सोमबार राति १२ बजेदेखि एक हप्तासम्मका लागि स्थानीय प्रशासन ऐन,२०२८ को दफा ६ (३) र संक्रामक रोग ऐन २०२० को दफा २ बमोजिम जिल्ला सुरक्षा समितिको निर्णय अनुसार जनकपुरधाम उपमहानगरपालिका भरि निषेधाज्ञा जारी गरिएको जानकारी दिनुभयाे ।
प्रजिअ भट्टराईले कोरोना संक्रमणको प्रभावकारी रोकथाम तथा नियन्त्रण र यसको संक्रमण फैलिन नदिनका लागि जिल्लाभरी प्रतिकुल प्रभाव पर्नसक्ने कुनै किसिमको गतिविधि हुन र गर्न नदिन सम्बन्धित निकायमा आग्रह पनि गर्नुभएकाे छ ।
सम्बन्धित शीर्षकहरु
