इंग्लिस फुटबल प्रतियोगिता एफ ए कपको उपाधि आर्सनलले जितेको छ । शनिबार राति भएको फाइनलमा आर्सनलले चेल्सीलाई दुई एकले पराजित गरेकाे हाे ।

खेलको पाँचौ मिनेटमा चेल्सीका क्रिस्टियन पुलिसिकले गोल गर्दै टिमलाई अग्रता दिलाएका थिए । ओलिभर जिरुडले दिएको पासमा क्रिस्टियनले गोल गर्न सफल भएका थिए ।

खेलकाे २७ औं मिनेटमा आर्सनलले पेनाल्टी पायो । पिएरी एमिरीकलाई चेल्सीका केसरले डिबक्समा फल गरेपनि पाएको पेनाल्टीलाई पिएरीले नै गोल गर्न सफल भए । जसका कारण खेल एक–एक गोलको अवस्थामा पुग्यो ।

दोस्रो हाफको सुरुवातमा नै दुई वटा मौका सिर्जना गरेको आर्सनलले ६७ औं मिनेटमा गोल गर्न सफल भयो । निकोलस पेपेको पासमा पिएरी एमिरीकले गोल गर्न सफल भएका थिए ।

आर्सनलको यो १४ औँ एफ ए कपको उपाधि हो । उसले अन्तिम पटक २०१७ पछि एफ ए कपको उपाधि जितेको थियो ।