इटालियन सिरी ए को उपाधि जितिसकेको युभेन्टस काग्लिरीसँग पराजित भएको छ ।
बुधबार राति काग्लिरीकाे घरेलु मैदानमा भएको खेलमा लुका गाग्लियानो र सिमोनले एक एक गोल गरे ।
खेलको आठौं मिनेटमा नै मेटिलीको पासमा लुकाले गोल गरी टिमलाई अग्रता दिलाए । त्यसपछि पहिलो हाफका अन्तिममा सिमोनले गोल गरेपछि युभेन्टस दुई शून्यले पछाडी रह्यो ।
अब सिरी ए को अन्तिम चरणका खेलहरु बाँकी रहेका छन् । यो हारपछि युभेन्टस दोस्रो स्थानको इन्टर मिलान भन्दा चार अंकले अगाडि छ ।
याे हारले युरोपका शीर्ष लिगमा यो सिजन सबैभन्दा बढी गोल गर्ने खेलाडी बन्ने क्रिष्टियानो रोनाल्डोको सपनामा गम्भीर धक्का लागेको छ ।
युरोपियन गोल्डेन बुटको प्रतिस्पर्धामा रहेका रोनाल्डो लाजिओका स्ट्राइर चिरो इमोबिलेसँग प्रतिस्पर्धामा छन् । रोनाल्डो चिरो भन्दा चार गोलले पछि रहेका छन् ।
सम्बन्धित शीर्षकहरु
