इंग्लिस प्रिमियर लिग फुटबलमा बर्नलीसँग नर्विच सिटी पराजित भएकाे छ । शनिबार राति भएकाे खेलमा बर्नली नर्विचलाई २-० ले पराजित गरेको हो ।

पहिलो हाफको अतिरक्त समयमा क्रिस उडले गोल गरी बर्नलीलाई १-० को अग्रता दिलाए । ८० औँ मिनेटमा नर्विचका बेन गडफ्रेले आत्मघाती गोल गरेपछि बर्नली २-० ले विजयी भयो ।

घरेलु मैदानमा भएको खेलमा ३५ औँ मिनेटमा एमिलियानो बोएन्दिया तथा पहिलो हाफको इन्जुरी समयको तेस्रो मिनेटमा योसिप द्रिमिच रातो कार्ड पाएर मैदानबाट बाहिरिएपछि नर्विच सिटी ९ खेलाडीमा सीमित भएकाे थियाे ।

जितपछि नवौँ स्थानको बर्नलीको ३७ खेलबाट ५४ अंक भएको छ । नर्विच सिटी रेलिगेशनमा पर्ने पक्का भइसकेकाे छ ।