काठमाडौं । इंग्लिस प्रिमियर लिग फुटबलमा वेस्टह्यामले वाटफोर्डलाई ३–१ गोल अन्तरले पराजित गरेकाे छ । शुक्रबार राति भएको खेलमा वाटफोर्डमाथि जित निकालेर वेस्टह्याम याे सिजनमा रेलिगेशनबाट जाेगिएकाे छ ।
वेस्टह्यामको जितमा मिचेल एन्टोनियो, टोमा सौक र डेक्लान रइसले एक-एक गोल गरे । खेल सुरु भएको छैटौं मिनेटमा एन्टोनियोले गोल गरी वेस्टह्यामका लागि अग्रता दिलाएका थिए ।
त्यसपछि खेलकाे १० औँ मिनेटमा साैक र ३६ औँ मिनेटमा रइसले गाेल गरे ।
पहिलो हाफमा वाटफोर्डलाई दबाबमा राखेको वेस्टह्यामले दोस्रो हाफमा भने थप गोल गर्न सकेन । वाटफोर्टका लागि डेनीले ४९ औं मिनेटमा एक गोल फर्काएका थिए ।
जितपछि प्रिमियर लिगमा ३७ अकं बनाएर वेस्टह्याम १५ औँ स्थानमा छ । वाटफोर्ड ३४ अंकका साथ १७ औँ स्थानमा छ ।
सम्बन्धित शीर्षकहरु
