इंग्लिस प्रिमियर लिग फुटबल अन्तर्गत सोमबार राति भएको खेलमा म्यानचेस्टर युनाइटेड साउथह्याम्पटनसँग बराबरीमा राेकिएकाे छ । शीर्ष चारमा उक्लने माैका पाएकाे युनाइटेड अंक बाँड्न बाध्य भएपछि पाँचाै स्थानमा छ ।

युनाइटेडकाे घरेलु मैदानमा भएको खेलमा साउथह्याम्पटनसँग २–२ को बराबरीमा रोकिएको हो ।

१२ औँ मिनेटमा साउथह्याम्पटनले अग्रता लिएकाे थियाे । उसका लागि आर्मस्ट्रोङ्गले गोल गरेका थिए । खेलकाे २० औँ मिनेटमा युनाइटेडका रासफोर्डले खेल बराबरीमा ल्याएका थिए । त्यसकाे ३ मिनेटपछि नै युनाइटेडका मार्शलले गोल गरेर २-१ काे अग्रता दिलाए । तर त्याे अग्रता युनाइटेडले जाेगाउन सकेन ।

खेलकाे ९६ औँ मिनेटमा ओबाफेमीले गोल गरी साउथह्याम्पटनलाई बराबरीमा ल्याए ।

बराबरीपछि म्यानचेस्टर युनाइटेडको ३५ खेलबाट ५९ अंक भएको छ । साउथह्याम्पटनकाे ४५ अंक भएकाे छ ।