प्रतिकात्मक तस्बिर ।
जाजरकाेट । जाजरकोटको बारेकोट गाउँपालिकामा गएको पहिरोमा बेपत्ता भएका थप २ जनाको शव आइतबार भेटिएको छ ।
बारेकोट गाउँपालिका-४ सार्कीगाउँका १३ वर्षीया लक्ष्मी सार्की र ११ वर्षीया कमला सार्कीको शव फेला परेको जिल्ला प्रहरी कार्यालय जाजरकोटले जनाएकाे छ । पहिरोमा बेपत्ता भएकी ५१ वर्षीया पुष्पा सार्की भने अझै भेटिनुभएकी छैन ।
गत बिहीबार रातिको पहिरोले बारेकोट गाउँपालिका–४ सार्कीगाउँका गोपाल सार्की र कल्लु सार्कीको घर बगाउँदा १२ जना बेपत्ता भएका थिए ।
याे पनि पढ्नुहाेस् ।
जाजरकाेट पहिराे अपडेट : ९ जनाकाे शव फेला
जाजरकाेटमा पहिराेले घर बगाउँदा १२ जना बेपत्ता
बारेकोट गाउँपालिका–४ का ५२ वर्षीय गोपाल सार्की, उनको ११ वर्षका छोरा अर्जुन सार्की र १४ वर्षीया छोरी तिर्खा सार्की र कलुको घरमा पाहुन आएका कुशे गाउँपालिका–९ का २० वर्षीया डिल्ली सार्की, १४ वर्षकी गौरी, १६ वर्षकी कविता सार्की र १८ वर्षका वीरेन्द्र सार्कीको शव शुक्रबार नै भेटिएको थियाे भने शनिबार बारेकोट गाउँपालिका–४ सार्कीगाउँका कल्लु सार्की र उनका ६ वर्षका छोरा सुवास सार्कीको शव फेला परेको थियाे ।
सम्बन्धित शीर्षकहरु
