प्रतिकात्मक तस्बिर ।
जाजरकाेट । जाजरकोटको बारेकोट गाउँपालिका– ४ मा बिहीबार राति पहिराले घर बगाउँदा बेपत्ता भएका १२ जनामध्ये ९ जनाकाे शव भेटिएकाे छ भने अझै तीन जना बेपत्ता छन् ।
शनिबार बारेकोट गाउँपालिका–४ सार्कीगाउँका कल्लु सार्की र उनका ६ वर्षका छोरा सुवास सार्कीको शव फेला परेको हाे ।
बारेकोट गाउँपालिका–४ का ५२ वर्षीय गोपाल सार्की, उनको ११ वर्षका छोरा अर्जुन सार्की र १४ वर्षीया छोरी तिर्खा सार्की र कलुको घरमा पाहुन आएका कुशे गाउँपालिका–९ का २० वर्षीया डिल्ली सार्की, १४ वर्षकी गौरी, १६ वर्षकी कविता सार्की र १८ वर्षका वीरेन्द्र सार्कीको शव शुक्रबार नै भेटिएको जाजरकाेट प्रहरीले जानकारी दिएकाे छ । हराइरहेकाकाे खाेजी भइरहेकाे छ ।
बिहीबार रातिको पहिरोले बारेकोट गाउँपालिका–४ सार्कीगाउँका गोपाल सार्की र कल्लु सार्कीको घर बगाउँदा १२ जना बेपत्ता भएका थिए ।
यस्तै, स्थानीय खाेलाले बगाएका शुक्रबार बारेकोट– ६ धुमाका २० वर्षीय शान्तबहादुर चलाउने र १० वर्षीय प्रचण्ड चलाउने पनि भेटिएका छैनन् ।
याे पनि पढ्नुहाेस् ।
सम्बन्धित शीर्षकहरु
