इंग्लिस प्रिमियर लिगमा नोर्विच सिटी रेलिगेशन हुने पहिलो टिम बनेको छ । शनिबार राति भएकाे खेलमा नोर्विच सिटी वेष्टह्यामसँग ४-० गोलले पराजित भएकाे हाे ।

खेलको ११ औं मिनेटमा एन्टोनीयोको गोलमा वेष्टह्यामले अग्रता बनाएकाे थियाे । त्यसपछि पहिलो हाफको इन्जुरी समयमा फेरि एन्टाेनीयाेले नै दाेस्राे गाेल गरेका थिए ।

पहिलाे हाफमा २ गाेल खाएकाे नाेर्विचले दाेस्राे हाफमा पनि २ गाेल खायाे । वेष्टह्यामका लागि ४ गाेल नै मिचेल एन्टाेनियाेले गरेका थिए ।

हारपछि प्रिमियर लिगमा रेलिगेशनमा पर्ने पहिलाे टिम नाेर्विच बनेकाे छ । यो सिजनमा नोर्विचले ३५ खेलमा मात्र ५ खेलमा जित निकालेको छ । ६ खेल बराबरी खेल्दा २३ खेलमा पराजित बनेकाे छ ।