प्रतिकात्मक तस्बिर ।
जाजरकोट । जाजरकोटको बारेकोट गाउँपालिका– ४ मा बिहीबार राति पहिराले घर बगाउँदा १२ जना बेपत्ता भएका छन् । बेपत्ता हुनेमा २ घरपरिवारका सदस्य रहेकाे बताइएकाे छ ।
स्थानीय गाेपाल सार्की र कालू सार्कीकाे घर पहिराेमा परेकाे हाे । पहिराेमा परेर गोपाल सार्की, उनकी श्रीमती ५० वर्षीया पुष्पा, १३ वर्षीया छोरी लक्ष्मी र ११ वर्षीय छोरा अर्जुन हराइरहेका छन् ।
अर्को घरका कालु सार्की, १४ वर्षीया छोरी तिर्खा, ११ वर्षीया छोरी कमला र ६ वर्षीय छोरा सुवास बेपत्ता भएका छन् ।
त्यस्तै, पाहुना आएका कुशे गाउँपालिका– ९ चौताराका २० वर्षीय डिल्ली सार्की, १४ वर्षीया गौरी सार्की, १६ वर्षीया कविता सार्की र १८ वर्षीय वीरेन्द्र सार्की बेपत्ता भएको बारेकोट– ४ का सचिव डम्बर पुनले जानकारी दिनुभयाे । घटनास्थलमा प्रहरीकाे टाेली गइरहेकाे जिल्ला प्रहरी कार्यालय जाजरकाेटले जनाएकाे छ ।
सम्बन्धित शीर्षकहरु
