इंग्लिस प्रिमियर लिग फुटबल अन्तर्गत बिहीबार राति भएको खेलमा म्यानचेस्टर युनाइटेड विजयी भएको छ । युनाइटेडले एस्टन भिल्लामाथि ३-० गाेल अन्तरकाे फराकिलाे जित निकालेकाे हो ।

२७ औँ मिनेटमा पाएको पेनाल्टीबाट म्यानचेस्टर युनाइटेडले सुरुवाती अग्रता बनाएकाे थियाे । पेनाल्टीमा ब्रुनो फेर्नान्डेसले गोल गरेका थिए । त्यसपछि पहिलो हाफको इन्जुरी समयमा म्यासन ग्रिनवूडले गोल गरेका थिए । पहिलाे हाफमा २ गाेल गरेकाे म्यानचेस्टरले दाेस्राे हाफमा पनि एक गाेल गर्न सफल बन्याे ।

युनाइटेडका लागि पउल पोग्बाले ५८ औँ मिनेटमा गोल गरेका थिए । त्यसपछि दुवैतर्फबाट गाेल हुन सकेन र युनाइटेड विजयी भयाे । अंक तालिकामा युनाइटेड ३४ खेलबाट ५८ अंकसहित पाँचाै स्थानमा रहेकाे छ ।