एजेन्सी । रोनाल्डोको ह्याट्रिक सहयाेगमा इटालियन सिरी ए फुटबलमा साविक विजेता युभेन्ट्सले काग्लियारीमाथी फराकिलो जित निकालेको छ।
सोमबार भएको खेलमा युभेन्ट्सले काग्लियारीलाई ४-० गोल अन्तरले पराजित गरेको हो।
घरेलु मैदानमा युभेन्ट्सलाई जित दिलाउन क्रिस्टियानो रोनाल्डोले ह्याट्रिक गरे। यस्तै एक गोल गोन्जालो हिगुईनले थपे। योसँगै रोनाल्डोले वर्षको पहिलो ह्याट्रिक पुरा गरेका छन् ।
रोनाल्डोको यो करियरको ५६ औं ह्याट्रिक समेत हो । यस्तै रोनाल्डो युरोपको शीर्ष तीन लिग प्रिमियर लिग, ला लिगा र इटालियन सिरी ए मा ह्याट्रिक गर्ने दोस्रो खेलाडी समेत बनेका छन् ।
जितसँगै युभेन्ट्सले १८ खेलमा ४५ अंक जोडेको छ । युभेन्ट्स लिगको दोस्रो स्थानमा रहेको छ ।
पराजित काग्लियारी २९ अंक जोडेर छैटौं स्थानमा रहेको छ ।
सम्बन्धित शीर्षकहरु
