एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) मा शनिबार डर्बी क्लब मेलबर्न रेनेगेड्ससँग खेल्दैछ ।
मेलबर्नमा हुने मेलबर्न डर्बी भिडन्त शनिबार नेपाली समय अनुसार दिउसो १:५५ बजे सुरु हुनेछ ।
मेलबर्न डर्बीमा भने नेपालका सन्दीप लामिछाने मैदान उत्रने भएका छन् । चोटको कारण सन्दीपले बुधबार सिड्नीविरुद्धको खेल गुमाएका थिए ।
मेलबर्नले डर्बी भिडन्तका लागि सार्वजनिक गरेको १३ सदस्सीय टिममा सन्दीप परेका छन् ।
मेलबर्नले सन्दीपसहित अर्का खेलाडी कार्टराइट चोट मुक्त हुँदै टिममा फर्किएको जनाएको छ ।
यस सिजन सन्दीपले ४ खेलमा ३ विकेट हात पारेका छन् ।
५ खेलमा ४ जित हात पारेको मेलबर्न ८ अंकका साथ तालिकाको शीर्ष स्थानमा रहेको छ । रेनेगेड्स अंक विहीन रहदै पुछारमा रहेको छ ।
सम्बन्धित शीर्षकहरु
