चार वर्षमा एकपटक आउने विश्वकप फुटबल बबाल लागिरहेको छ । मैले जर्मनीको समर्थन गरिरहेको थिएँ । तर, जर्मनी खेलबाट बाहिरिइसकेको छ । अबको समर्थन फ्रान्सलाई छ । म पहिल्यैदेखि जर्मनीको समर्थक थिएँ । यसपटक जर्मनीले निराश बनायो ।
जर्मनीको खेल राम्रै थियो । खेलाडी पनि राम्रै थिए । तर, पनि समूह चरणबाटै बाहिरिएको छ । जर्मनीको टिमवर्क नमिलेको जस्तो लाग्यो । यसपटक फ्रान्स राम्रो खेलिरहेको छ ।
म यसअघि पनि जर्मनीपछि फ्रान्सको समर्थन गर्दै आइरहेको छु । अब फ्रान्स पनि बाहिरिएमा विश्वकप सकिन्छ । तर, फ्रान्स बाहिरिए पनि खेल हेर्नचाहिँ छुटाउँदिनँ ।
फ्रान्सको टिमवर्क राम्रो छ । पासिङ पनि राम्रो छ । फ्रान्सको शनिबारको खेल उत्कृष्ट थियो । फ्रान्सले पाएको मौकालाई गोलमा परिणत गरिरहेको छ । यो विश्वकप फ्रान्सले जित्नेमा आशावादी छु ।
म फ्रान्सको समर्थक मात्र भएर होइन, उसको खेल पनि राम्रो भएकोले विश्वकप जित्ने अनुमान गरेको हुँ ।
खेल अरू टिमको पनि राम्रो छ । तर, फ्रान्सको जति छैन । अर्जेन्टिना, पोर्चुगल, ब्राजिल, जर्मनीको प्रदर्शन त्यति राम्रो देखिएन । मलाई लाग्छ, फाइनलमा फ्रान्स र बेल्जियमको भिडन्त हुनेछ ।
बेल्जियम पनि राम्रो खेलिरहेको छ । यसपटक फ्रान्स, इंग्ल्यान्ड, बेल्जियम र उरुग्वे सबैभन्दा राम्रो खेलिरहेका छन् ।
सम्बन्धित शीर्षकहरु
